14.01.2022
Á vorönn 2022 ætlum við að birta föstudagspistla hér á vef skólans. Markmiðið er að fjalla um allt sem okkur dettur í hug varðandi okkar góða skólastarf. Hér kemur fyrsti pistillinn.
10.01.2022
Þeir nemendur sem stefna á útskrift í maí þurfa að skrá sig hjá Guðrúnu skólameistara í síðasta lagi föstudaginn 14. janúar. Skráning fer fram með því að koma við á skrifstofunni eða senda tölvupóst á gudrun@fmos.is
Mikilvægt er að allir nemendur sem ætla að útskrifast séu skráðir sem útskriftarnemar í Innu.
10.01.2022
Búið er að loka fyrir töflubreytingar. Hægt er að segja sig úr áfanga til 27. janúar, eftir það hafa nemendur skuldbundið sig til að ljúka þeim áföngum sem þeir eru skráðir í.
05.01.2022
Skólastarf í FMOS hefst föstudaginn 7. janúar n.k. kl. 8:30 samkvæmt stundaskrá. Mikilvægt er að allir passi upp á persónulegar sóttvarnir; þvo og spritta hendur, virða eins metra regluna og muna að það er grímuskylda í skólanum. Það er mikilvægt að nemendur komi ekki í skólann ef þeir eru með einkenni Covid heldur fari strax í sýnatöku.
03.01.2022
Mánudaginn 3. janúar geta nemendur, sem hafa greitt skólagjöld fyrir vorönn 2022, skoðað stundatöflur sínar í Innu. Þá verður einnig hægt að óska eftir töflubreytingum en þær fara fram rafrænt í gegnum Innu dagana 3.-7. janúar.
20.12.2021
Útskriftarhátíð Framhaldsskólans í Mosfellsbæ fór fram laugardaginn 18. desember við hátíðlega athöfn í húsnæði skólans við Háholt 35 í Mosfellsbæ. Að þessu sinni voru nítján nemendur brautskráðir.
19.12.2021
Skrifstofa skólans er lokuð frá og með mánudeginum 20. desember. Við opnum aftur mánudaginn 3. janúar 2022 kl. 10. Fyrsti kennsludagur vorannar verður föstudaginn 7. janúar.
15.12.2021
Laugardaginn 18. desember kl. 14:00 verður útskriftarhátíð í FMOS og eru 19 nemendur að útskrifast að þessu sinni. Útskriftarnemum er heimilt að bjóða gestum og verða allir sem mæta að sýna fram á gilt hraðpróf (ekki eldra en 48 klst. við komu) við innganginn.
08.12.2021
Um síðustu helgi var einn af nemendum okkar hér í FMOS, Eyþór Örn Þorsteinsson, í Portúgal þar sem hann keppti fyrir Íslands hönd á Evrópumeistaramótinu í fimleikum. Hann keppti í blönduðum unglingaflokki en hópurinn vann til bronsverðlauna á mótinu. Við óskum Eyþóri og félögum hans í unglingalandsliðum Íslands innilega til hamingju með þennan stórkostlega árangur.
29.11.2021
Það er ánægjulegt að segja frá því að 15. október 2021 varð FMOS formlega viðurkenndur sem UNESCO skóli. Þetta þýðir að skólinn skuldbindur sig til að halda árlega upp á tvo ólíka alþjóðadaga Sameinuðu þjóðanna, standa fyrir einum viðburði sem tengist Sameinuðu þjóðunum og skila árlega til Félags Sameinuðu þjóðanna yfirliti yfir þau verkefni sem skólinn hefur sinnt innan vettvangs skólanetsins.