Jafnlaunastefna

Markmið Framhaldsskólans í Mosfellsbæ er að starfsfólk óháð kyni njóti sömu launakjara fyrir sömu eða jafnverðmæt störf í samræmi við kjara- og stofnanasamninga. Þau viðmið sem lögð eru til grundvallar launaákvörðun og ákvörðun um aukastörf og önnur launakjör mega ekki fela í sér kynjamismunun eða aðrar ómálefnalegar ástæður.

Til þess að ná því markmiði mun skólinn:

  • fylgja þeim lögum og reglum sem í gildi eru hverju sinni og snúa að þeirri meginreglu að öllum óháð kyni skuli greidd jöfn laun fyrir sömu eða jafnverðmæt störf
  • styðja við jafnlaunastefnu skólans með jafnréttisáætlun og starfsmannastefnu
  • starfrækja og viðhalda jafnlaunakerfi og tryggja stöðugar umbætur
  • framkvæma launagreiningu einu sinni á ári þar sem borin eru saman jafnverðmæt störf til þess að kanna hvort mælist munur á launum eftir kyni og kynna helstu niðurstöður fyrir starfsfólki
  • vinna eftir verklagsreglum sem fjalla um viðbrögð við óútskýrðum launamun
  • endurskoða jafnlaunastefnuna á þriggja ára fresti eða fyrr ef breytingar verða á lögum, reglum eða starfsemi skólans
  • kynna stefnuna árlega fyrir starfsmönnum skólans. Stefnan skal einnig vera aðgengileg almenningi á heimasíðu skólans

Lög nr. 150/2020 um jafna stöðu og jafnan rétt kynjanna

Síðast breytt: 5. október 2026