Persónuverndarstefna

Framhaldsskólinn í Mosfellsbæ (FMOS) leggur áherslu á að persónuupplýsingar séu meðhöndlaðar af ábyrgð og öryggi og í samræmi við lög og reglur um persónuvernd.

FMOS er ábyrgðaraðili að vinnslu persónuupplýsinga sem fer fram á vegum skólans. Stefnan gildir um vinnslu persónuupplýsinga um nemendur, forsjáraðila, starfsfólk, umsækjendur og aðra sem eiga í samskiptum við skólann.

Vinnsla persónuupplýsinga
FMOS vinnur aðeins með persónuupplýsingar þegar það er nauðsynlegt vegna starfsemi skólans. Þess er meðal annars gætt að:

  • aðeins sé safnað upplýsingum sem þörf er á
  • upplýsingar séu réttar og uppfærðar eftir þörfum
  • þær séu varðveittar á öruggan hátt
  • aðgangur sé takmarkaður við þá sem þurfa á honum að halda vegna starfa sinna

Vinnsla persónuupplýsinga fer fram í samræmi við lög nr. 90/2018 um persónuvernd og vinnslu persónuupplýsinga og reglugerð Evrópuþingsins og ráðsins (ESB) 2016/679.

Hvaða upplýsingar vinnur skólinn með?
FMOS vinnur meðal annars með upplýsingar sem tengjast:

  • umsóknum og innritun
  • námi, námsmati, skólasókn og námsferli
  • ráðgjöf og annarri þjónustu við nemendur
  • samskiptum við nemendur og forsjáraðila
  • ráðningum og starfsmannahaldi
  • launum, starfskjörum, viðveru og starfsþróun
  • meðferð mála og lögbundinni skjalavörslu
  • notkun upplýsingakerfa og stafrænna lausna

Í ákveðnum tilvikum getur verið nauðsynlegt að vinna með viðkvæmar persónuupplýsingar, svo sem heilsufarsupplýsingar. Slík vinnsla fer aðeins fram þegar fullnægjandi heimild er fyrir henni og upplýsingarnar eru nauðsynlegar vegna verkefna, þjónustu eða skyldna skólans.

Tilgangur og heimild vinnslu
Persónuupplýsingar eru unnar svo FMOS geti sinnt lögbundnu hlutverki sínu sem framhaldsskóli og skyldum sínum sem vinnuveitandi.

Vinnslan byggist eftir atvikum á lagaskyldu, verkefnum sem skólinn sinnir í þágu almannahagsmuna eða við beitingu opinbers valds, samningsbundnum réttindum og skyldum eða samþykki einstaklings.

Þegar vinnsla byggist á samþykki er hægt að afturkalla það hvenær sem er. Afturköllun hefur ekki áhrif á vinnslu sem þegar hefur farið fram á grundvelli samþykkisins.

Hvaðan koma upplýsingarnar?
Persónuupplýsingar koma að jafnaði frá einstaklingnum sjálfum eða, eftir því sem við á, forsjáraðila. Þær geta einnig komið frá öðrum skólum, opinberum aðilum, starfsfólki FMOS eða öðrum aðilum þegar heimild er fyrir því.

FMOS leggur áherslu á að upplýsingar sem skráðar eru hjá skólanum séu réttar og áreiðanlegar.

Miðlun og vinnsluaðilar
FMOS miðlar ekki persónuupplýsingum til annarra nema heimild eða skylda sé fyrir því. Við miðlun er þess gætt að ekki sé miðlað meiri upplýsingum en nauðsynlegt er.

Skólinn notar ýmis upplýsingakerfi og stafrænar lausnir við kennslu, stjórnun, starfsmannahald og þjónustu við nemendur. Þegar utanaðkomandi aðilar vinna persónuupplýsingar fyrir hönd FMOS eru gerðar viðeigandi kröfur um persónuvernd og öryggi.

Upplýsingar um helstu vinnsluaðila FMOS eru birtar sérstaklega á vef skólans.

Sé persónuupplýsingum miðlað utan Evrópska efnahagssvæðisins er það aðeins gert að uppfylltum skilyrðum persónuverndarlöggjafar.

Ljósmyndir og annað myndefni
FMOS birtir ekki myndir þar sem einstaklingur er meginviðfangsefni nema viðeigandi heimild liggi fyrir.

Hópmyndir úr skólastarfi og af viðburðum á vegum skólans, þar sem enginn einn einstaklingur er í brennidepli, geta verið birtar án sérstaks samþykkis. Einstaklingur getur óskað eftir að mynd af honum verði fjarlægð af vef eða samfélagsmiðlum skólans.

Varðveisla og öryggi upplýsinga

FMOS er afhendingarskyldur aðili samkvæmt lögum nr. 77/2014 um opinber skjalasöfn. Gögn eru því varðveitt í samræmi við lög og reglur um skjalavörslu. Persónuupplýsingum sem ekki falla undir lögbundna varðveisluskyldu er ekki haldið lengur en nauðsynlegt er.

FMOS grípur til viðeigandi tæknilegra og skipulegra ráðstafana til að tryggja öryggi persónuupplýsinga og koma í veg fyrir óheimilan aðgang, tap eða misnotkun. Aðgangur að upplýsingum er takmarkaður við þá sem þurfa á þeim að halda vegna starfa sinna. Starfsfólk skólans er bundið þagnarskyldu samkvæmt lögum.

Réttindi einstaklinga
Einstaklingar eiga rétt á upplýsingum um vinnslu persónuupplýsinga um sig og geta, eftir því sem við á:

  • óskað eftir aðgangi að upplýsingum
  • fengið rangar eða ófullkomnar upplýsingar leiðréttar
  • óskað eftir takmörkun vinnslu
  • mótmælt vinnslu
  • afturkallað samþykki þegar vinnsla byggist á samþykki
  • óskað eftir flutningi eigin gagna til annars ábyrgðaraðila þegar skilyrði þess eru uppfyllt
  • óskað eftir eyðingu upplýsinga þegar skilyrði þess eru uppfyllt

Réttur til eyðingar getur verið takmarkaður vegna lagaskyldu FMOS til að varðveita gögn, meðal annars samkvæmt lögum um opinber skjalasöfn.

Beiðni vegna réttinda samkvæmt persónuverndarlögum má beina til FMOS eða persónuverndarfulltrúa skólans. Beiðnir eru afgreiddar eins fljótt og unnt er og að jafnaði innan mánaðar frá því að þær berast.

Nánari upplýsingar um vinnslu persónuupplýsinga
Þegar persónuupplýsinga er aflað vegna tiltekinnar þjónustu, umsóknar eða máls veitir FMOS nánari upplýsingar um viðkomandi vinnslu eftir því sem við á.

Þar getur meðal annars komið fram hvaða upplýsinga er óskað, hvers vegna þeirra er aflað, hvort skylt sé að veita þær, hvernig þær verða notaðar og varðveittar og hvort þeim verði miðlað til annarra.

Fyrirspurnir og kvartanir
Hægt er að hafa samband við FMOS eða persónuverndarfulltrúa skólans vegna spurninga um vinnslu persónuupplýsinga og réttindi einstaklinga.

Telji einstaklingur að vinnsla FMOS á persónuupplýsingum um sig sé ekki í samræmi við lög getur hann sent kvörtun til Persónuverndar.

Framhaldsskólinn í Mosfellsbæ
Bjarkarholti 35
270 Mosfellsbæ
Sími: 412 8500
Netfang: fmos@fmos.is

Persónuverndarfulltrúi
Inga Þóra Ingadóttir
personuverndarfulltrui@fmos.is

Endurskoðun
Persónuverndarstefnan er endurskoðuð reglulega og þegar breytingar verða á lögum, reglum eða vinnslu persónuupplýsinga hjá skólanum. Breytingar taka gildi þegar uppfærð stefna hefur verið birt á vef FMOS.

Síðast breytt: 25. september 2026