Hjólað/Gengið í skólann
Einingafjöldi: 1
Þrep: 1
Forkröfur: Engar forkröfur
Í áfanganum er verið að hvetja nemendur til aukinnar hreyfingar, að hugsa um umhverfi sitt og skilja bílinn eftir heima. Áfanginn er verklegur og gefst nemendum kostur á að fá það metið til eininga að koma gangandi/hjólandi í skólann. Nemendur þurfa í lok annar að sýna fram á 100 km í göngu eða 300 km hjólaferðir.
Þekkingarviðmið
- hversu mikilvæg góð heilsa er fyrir framtíðina
- hvað reglubundin hreyfing er góð forvörn fyrir ýmsa andlega og líkamlega sjúkdóma
- mikilvægi þess að nota göngu/hjól til að koma sér á milli staða
Leikniviðmið
- auka úthald sitt, styrk og liðleika með fjölbreyttum aðferðum sem henta hverjum og einum.
- nýta snjalltækni til að kortleggja ferðir sínar
Hæfnisviðmið
- nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu.
- viðhalda og/eða bæta líkamlega heilsu.
Nánari upplýsingar á námskrá.is