Nemendur

Í FMOS eru að jafnaði rúmlega 300 nemendur skráðir í nám við skólann. Aldursdreifing nemenda hefur breyst töluvert á undanförnum árum þar sem eldri nemendum hefur fækkað frá því sem áður var og þeim yngri fjölgað. Á hverju hausti innritar skólinn í kringum 60 nýnema sem sækja um beint eftir 10. bekk. Flestir nemenda FMOS koma úr Mosfellsbæ og nærumhverfi, þ.e. Kjalarnesi, Grafarvogi, Grafarholti og Árbæ.

Nemendafélag (NFFMOS) er starfsrækt í skólanum en umsjón þess er í höndum nemendaráðs. Á vorönn eru kosnir fulltrúar í ráðið til eins árs í senn og hafa allir nemendur skólans jöfn tækifæri til að bjóða sig fram. Markmið nemendaráðs er að bjóða upp á skemmtilega og fjölbreytta viðburði og stuðla að góðum anda í skólanum. Nemendur skólans greiða félagsgjöld í NFFMOS samhliða skráningargjöldum sínum í skólann á hverri önn, að sjálfsögðu er þátttaka valfrjáls en vart þarf að taka það fram að ávinningurinn af því að vera í NFFMOS er ótvíræður. Meðal vinsælla viðburða má nefna: Árshátíð, stórball í samstarfi við önnur nemendafélög, opið draugahús á hrekkjavöku, bræðingur, súrgúrkukeppni og reglulegar bíóferðir!

Það eru margir kostir við að vera með öflugt nemendafélag. Auk þess að halda uppi félagslífi stendur NFFMOS vörð um nemendur í skólanum og er t.d. aðili að SÍF (Samband íslenskra framhaldsskólanema).

Netfang nemendafélagsins er fmosnemo@gmail.com

Nemendafélagið er á Instagram og Tik Tok

Að vera félagi í NFFMOS gefur þér:

  • Afslætti á viðburði hjá NFFMOS - sem dæmi er árshátíð (stærsti viðburður ársins) að stórum hluta niðurgreidd.
    Möguleika á að bjóða þig fram í nemendaráð.
  • Hægt er að segja sig úr nemendafélaginu í eina viku eftir fyrsta skóladag hverrar annar og er það gert með því að senda póst á skrifstofu skólans, fmos@fmos.is

Í stjórn NFFMOS eru formaður, varaformaður (ritari) og gjaldkeri ásamt nýnemafulltrúa. Einnig eru í stjórninni formenn þeirra þriggja nefnda sem starfa innan NFFMOS. Stjórnin hefur yfirumsjón með starfsemi nemendafélagsins og sér um tengsl félagsins við skólann annars vegar og við nemendafélög í öðrum skólum hins vegar.

Nemendaráð FMOS á vorönn 2025 skipa:

  • Kristjana Lind Emilsdóttir, formaður. Netfangið hennar er kristjana.lind.emilsdottir@gmail.com
  • Adam Ottesen, varaformaður. Netfangið hans er adamottesen00@gmail.com
  • Natan Blær Harðarson, gjaldkeri. Netfangið hans er natanblaer@gmail.com
  • Elenora Rós Hjaltadóttir, ritari. Netfangið hennar er elenora06@gmail.com
  • Rúnar Óli Grétarsson, fulltrúi nýnema. Netfangið hans er runar.oli.gretarsson@gmail.com og
    Dagur Björgvin Jónsson, fulltrúi nýnema. Netfangið hans er dagurbjorgvin08@gmail.com

 

Síðast breytt: 22. janúar 2025