Húsnæði, aðgangur og lyklar

Aðgangur og öryggiskerfi

• Aðgangskóði og lyklar fást hjá umsjónarmanni fasteigna. Talnaborð öryggiskerfisins er við starfsmannainngang.
• Á virkum dögum fer öryggiskerfi sjálfkrafa af kl. 7:00 og á aftur kl. 22:00. Sé einhver í húsinu þegar kerfið fer á þarf að slökkva á því við talnaborðið.
• Um helgar fer kerfið ekki sjálfkrafa af eða á. Því þarf síðasti starfsmaður úr húsi að tryggja að kerfið sé sett á vörð. Við talnaborðið er dagbók sem notuð er utan hefðbundins vinnutíma svo hægt sé að sjá hvort einhver sé enn í húsinu. Þegar strikað hefur verið yfir öll nöfn má setja kerfið á vörð.
• Ef öryggiskerfið fer í gang skal fyrst slá inn aðgangskóða og slökkva á kerfinu. Að því loknu skal hafa samband við Öryggismiðstöðina og tilkynna að kerfi FMOS hafi farið í gang. Símanúmer Öryggismiðstöðvarinnar er við talnaborðið. 

Lokun hússins

• Á virkum dögum er húsið yfirfarið í lok dags þá er tryggt að gluggar og hurðir séu lokaðar og læstar. Ef eitthvað er opnað eftir þann tíma ber viðkomandi að ganga úr skugga um að því sé lokað og læst áður en farið er.
• Mikilvægt er að gæta að því að loka gluggum sem hafa verið opnaðir, m.a. á kennarastofu, og ganga úr skugga um að hurð á starfsmannainngangi sé læst.

Lyklar og skápar
Kennarar geta fengið læstan skápa á kennarastofunni. Upplýsingamiðstöðin sér um úthlutun skápa og lykla.

Spurningum um húsnæði, aðgang, lykla, tæknimálum eða húsbúnað skal beina til umsjónarmanns fasteigna. Netfang og símanúmer má finna á síðunni Ýmis hlutverk.

Síðast breytt: 9. október 2026