Stefnuyfirlýsing í listasögu

Lögð er áhersla á íslenska myndlist jafnt sem erlenda. Kennsla fer fram með fyrirlestrum kennara, unnar eru ritgerðir og nemendur flytja sömuleiðis stutta kennslu sem þau vinna út frá ritgerðarverkefnum sínum.

Í listasögu nota nemendur skissubók og leitast við að finna óvæntar og skapandi leiðir til úrlausnar í sjónrænum verkum sínum.

Í þessum áföngum koma nemendur til með að vinna bæði inni í skólastofunni og úti í náttúrunni auk þess að fara í vettvangsferðir, á sýningar, söfn og leiksýningu.

Helstu námsþættir
Listasöguáfangarnir eru tveir talsins. Í þeim fyrri fá nemendur innsýn í helstu stílbrigði listarsögunnar frá Impressjónisma – (1863-1905) til póstmódernisma en í þeim seinni skoða nemendur þróun myndlistar í hverri heimsálfu og skoða hvernig menningin í hverri heimsálfu hefur áhrif á myndlistina þar í dag. Teknir eru fyrir þeirra helstu listamenn og starfandi listamenn í dag.

Kennsluaðferðir og námsmat
Í fyrri listasögu áfanganum er lögð áhersla á sjónræna vinnu út frá hverri stefnu sem kennd er í áfanganum en í þeim seinni er áherslan á sjónræna vinnu út frá þeirri heimsálfu sem skoðuð er. Í áföngunum er stuðst við umræður og skrifleg verkefni og í seinni áfanganum eru auk þess hópverkefni.

Nemendur nota skissubók og leitast við að finna óvæntar og skapandi leiðir til úrlausnar verka sinna.

Undirbúningur fyrir annað nám
Listasöguáfangarnir eru góður undirbúningur fyrir áframhaldandi listnám t.d. í Listaháskólanum og myndlistaskólum.

 

Síðast breytt: 7. október 2019