STÆR2FM05 - Fjármálalæsi og mengi

Í áfanganum læra nemendur um veldi, rætur, ásamt útvíkkun veldishugtaksins, þ.e. logra og vísisföll. Síðan verður farið í fjármálalæsi þar sem stuðst verður við fyrrgreind atriði. Að því loknu verður farið í mengjafræði og talnamengi og sérstaklega skoðaður munurinn á ræðum og óræðum tölum, ásamt eiginleikum mengja. Einnig kynnast nemendur óendanleika talnalínunnar með því að skoða talnabil og lausnir ójafna með því að nota formerkjatöflur.

Áfanginn er kjarnaáfangi á öllum brautum skólans sem tóku gildi 1. ágúst 2024 og leysir af kjarnaáfangana STÆR2HH05 og STÆR2LÆ05.

Þekkingarviðmið

Nemandi skal hafa öðlast þekkingu og skilning á:

• Velda og lograreglum
• Venslum velda, róta og logra
• Vísisföllum
• Launaútreikningum, vöxtum og verðbólgu
• Helstu hugtökum úr táknum mengjafræðinnar
• Talnamengjum og talnabilum
• Ójöfnum

Leikniviðmið

Nemandi skal hafa öðlast leikni í að:

• Nota föll til að lýsa ýmsum viðfangsefnum og leysa jöfnur
• Setja upp og leysa hverskyns verkefni sem snúa að vaxtareikningi (vísisföll)
• Greina hvað liggur að baki tölum úr fjármálaheiminum
• Leysa ýmiskonar ójöfnur
• Nota vísindalegar reiknivélar og sérhæfð stærðfræðiforrit til að leysa ýmis reikningsleg viðfangsefni.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt.
• Átta sig á tengslum ólíkra aðferða við framsetningu stærðfræðilegra hugmynda og viðfangsefna
• Skilja merkingu og tengsl hugtaka í námsefninu og vinna með þau
• Geta fylgt og skilið röksemdir og röksamhengi í mæltu máli og texta