HLUT1DD03 - Dungeons & Dragons hlutverkaspil

Í þessum grunnáfanga í Dungeons & Dragons er farið í alla helstu grunnþætti spilsins. Nemendur byrja á því að læra einfaldaða útgáfu sem leggur áherslu á skapandi spilun, persónusköpun og helstu leikreglur. Í framhaldi af því er farið að spila hefbundnari útgáfu leiksins með notkun 5 útgáfu leiksins og læra nemendur að búa til eigin persónur og aðferðir við að skapa persónur og heim í samvinnu við aðra. Í kennslustundum er blandað saman æfingum og spilamennsku, auk almennrar fræðslu um sögu spilsins og áhrif þess á menninguna. Í áfanganum verður nemendum einnig gefinn kostur á að semja sína eigin útgáfu af leik og stýra öðrum sem dýflissustjóri í D&D.

Þekkingarviðmið

Nemandi skal hafa öðlast þekkingu og skilning á:

  • sögu D&D
  • grunnreglum í D&D
  • mismunandi stigakerfum
  • mismunandi spilunaraðferðum
  • notkun leikreglna og hlutverkaspilun við spilaborðið
  • sköpun persóna og söguþráðar

Leikniviðmið

Nemandi skal hafa öðlast leikni í að:

  • meta styrk persóna og leikkerfa og tjá þann styrk innan reglna leiksins
  • vinna með spilafélögum til að ná settum markmiðum
  • gera áætlun sem spilari og sem dýflissustjóri
  • reikna út stig á mismunandi formi
  • bregðast við leikspuna og óvæntum uppákomum innan hlutverkaleikja

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • sýna samvinnu og umburðarlyndi með spilafélögum
Einingar: 3
Nánari upplýsingar á namskra.is