FRAM1AA03 - Framtíðarfærni 1

FRAM1AA03 - Framtíðarfærni 1

Áfanginn er tvískiptur. Annars vegar lífsleikni og hins vegar tölvunotkun. Markmið lífsleiknihluta áfangans er að gefa nemandanum innsýn í sjálfan sig, bæði sem einstakling og í samfélagi við aðra. Nemandinn lærir að þekkja mörk sín og öðlast dýpri skilning á sjálfum sér og umhverfi sínu ásamt því að styrkjast til að takast á við kröfur og áskoranir daglegs lífs. Áhersla er lögð á að efla sjálfsmynd nemandans og trú hans á eigin getu en jafnframt að gera hann meðvitaðan um þá ábyrgð sem hann hefur í samskiptum við aðra.

Markmið tölvunotkunar í áfanganum er að nemendur kynnist þeim forritum sem eru notuð í framhaldsskólanámi. Farið verður yfir undirstöðuatriði forritanna sem nýtast í verkefnavinnu í skólanum, sem og almennt. Nemendur hafa þar tækifæri til að vinna verkefnin í tengslum við sitt áhugasvið. Í áfanganum verða einnig skoðuð þau tækifæri og áskoranir sem nútímatækni veitir okkur.

Í áfanganum er unnið að því að styrkja félagstengsl milli nemenda og undirbúa þá til að takast á við krefjandi nám og leggja þannig grunn að frjóu menntasamfélagi. Eitt af markmiðunum er að nemendur eflist í að koma fram af virðingu við aðra í fjölmenningarlegu þjóðfélagi. Nemendur eru hvattir til að yfirfæra þá þekkingu og vinnubrögð sem þeir öðlast yfir á aðrar námsgreinar og út í lífið almennt.

Þekkingarviðmið

Nemandi skal öðlast þekkingu og skilning á:

• þeim kröfum sem gerðar eru í námi í framhaldsskóla
• að spyrja sjálfan sig og aðra spurninga
• þýðingu þess að lifa í samfélagi við aðra
• að verða betur meðvitaður um sjálfan sig, áhugasvið sitt og styrkleika
• Office 365 vinnuumhverfinu
• Tækifærum og áskorunum internetsins
• Aðgengi að forritum til að vinna með myndbandagerð og heimasíðugerð

Leikniviðmið

Nemandi skal hafa öðlast leikni í að:

• tjá sig í töluðu og rituðu máli
• sýna umburðarlyndi, samhygð og virðingu fyrir öðrum
• beita gagnrýnni hugsun og spyrja spurninga
• nota þau forrit sem eru mest notuð í Office 365 vinnuumhverfinu
• nýta netið til að finna þær upplýsingar sem þörf er á í verkefnavinnu skólans.
• nota forrit sem vinna myndbandagerð og heimasíðugerð

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• auka færni sína í mannlegum samskiptum
• bæta eigin vinnubrögð og samstarf við aðra
• taka ábyrgð á eigin lífi og vera meðvitaðri um að daglegar ákvarðanir og breytni hafa áhrif til framtíðar
• lifa í þjóðfélagi sem er í sífelldri þróun
• stunda árangursríkt nám á framhaldskólastigi og taka ábyrgð á eigin námi
• Nota internetið af ábyrgð
• Nýta forrit sem kennd eru í áfanganum í áframhaldandi námi og/eða hvers kyns upplýsingaöflun