Í dag, föstudaginn 25. febrúar 2022, hefur öllum takmörkunum vegna Covid-19 verið aflétt í samfélaginu. Smelltu á fréttina fyrir nánari upplýsingar.

Baktal verður umfjöllunarefnið í sálfræðispjallinu á föstudaginn kemur, 25. febrúar. Sjáumst í Borg í tungumálaklasanum á 2. hæð kl. 10:30 (verkefnatími). Allir nemendur velkomnir!

Það er mjög slæm veðurspá á morgun, þriðjudaginn 22. febrúar, og skólinn verður lokaður fyrir hádegi. Við gerum ráð fyrir að byrja að kenna kl. 12:45. Við munum samt fylgjast með veðurspám og og ef það lítur út fyrir verra veður en spáð er núna seinni partinn á morgun munum við vera í sambandi við ykkur.

Fyrirhuguð ráðstefna um leiðsagnarnám í framhaldsskólum hefur verið í undirbúningi í FMOS undanfarnar vikur. Fjórir kennarar skólans þau Björk Ingadóttir, Tinna Sigurjónsdóttir, Þorbjörg Lilja Þórsdóttir og Valgarð Már Jakobsson hafa staðið í ströngu við skipulagið og nú þegar hafa hátt í 150 manns skráð þátttöku úr 20 framhaldsskólum svo það er greinilegt að mikill áhugi á ráðstefnunni.

Stafræni Háskóladagurinn verður haldinn 26. febrúar kl. 12-15. Þá gefst áhugasömum tækifæri til að kynna sér allt háskólanám sem er í boði á landinu á einum vettvangi. Á vefsíðunni www.haskoladagurinn.is gefst einstakt tækifæri til að leita í öllum námsleiðum sem eru í boði í íslenskum háskólum.

Gefin hefur verið út gul veðurviðvörun á höfuborgarsvæðinu frá kl. 15 í dag. Vegna þessa fellum við niður staðkennslu í síðustu tveimur tímunum í dag, kl. 13:45-15:35 svo allir nái að komast heim.

Sálfræðingur skólans (Júlíana) og námsráðgjafi (Svanhildur) halda vikulega svokallað ,,Sálfræðispjall“ í verkefnatímum á föstudögum í stofunni Borg. Sálfræðispjallið er opið öllum áhugasömum nemendum skólans og fjallað er um mismunandi sálfræðitengd málefni hverju sinni. Allir nemendur eru velkomnir, hvort sem þeir vilja koma og taka þátt í spjallinu eða bara fylgjast með umræðunum.

Umsóknarfrestur um jöfnunarstyrk vegna vorannar 2022 er til og með 15. febrúar n.k. ef námsmaður ætlar að fá fullan námsstyrk. Ef sótt er um eftir 15. febrúar skerðist styrkurinn um 15%. Nánari upplýsingar um styrkinn má finna á vef Menntasjóðs námsmanna eða með því að senda fyrirspurn á menntasjodur@menntasjodur.is

Fyrstu vikurnar hjá okkur í MYNL2AM03 hafa farið í tilraunavinnu á pappír þar sem nemendur prófa mismunandi tækni og áhöld. Unnið er með þykkt málningar, áferð, mismunandi penslastærðir og grófleika, blöndun lita, notkun svamps og stensla svo dæmi séu tekin.

Opnað hefur verið fyrir umsóknir á sérnámsbraut vegna náms á haustönn 2022. Sótt er um í gegnum vef Menntamálastofnunar. Innritun stendur yfir dagana 1.-28. febrúar.