Fréttir

Framhaldsskólinn í Mosfellsbæ tekur þátt í menntun framhaldsskólakennara

8.9.2019 Fréttir

Framhaldsskólinn í Mosfellsbæ er einn af samstarfsskólum Menntavísindasviðs Háskóla Íslands um menntun framhaldsskólakennara.

Samstarfsskólar sjá um vettvangsnám kennaranema sem er 10 ECTS og tekur hver skóli árlega á móti 8–15 kennaranemum sem eru að undirbúa sig undir kennslu í mismunandi námsgreinum. Vettvangsnámið nær yfir bæði vor- og haustönn. 

Kennaranemar sækja vikulega fundi og kynnast fjölbreyttum þáttum í starfsemi skólans. Þannig fá þeir tækifæri til að fylgjast með kennslustundum, mæta á kennarafundi, aðstoða við kennslu og að lokum fá þeir æfingu í að kenna sjálfir undir handleiðslu leiðsagnarkennara sem eru starfandi kennarar við FMOS. 

Kennaranemarnir gera verkefni í háskólanum sem eru tengd með markvissum hætti við skólastarf í FMOS. Samstarfið er því dýrmætt fyrir kennaranemana, starfsþróun leiðsagnarkennara í FMOS og Menntavísindasvið. Sérstakur verkefnisstjóri fer með utanumhald með kennaranemum og er í samstarfi við Menntavísindasvið og verkefnisstjóra í öðrum framhaldsskólum sem einnig sinna þessu hlutverki að veita kennaranemum starfsþjálfun.

Til baka Senda grein






Útlit síðu:



Þetta vefsvæði byggir á Eplica