G. Viðbrögð við eftirfarandi sjúkdómum:

Bráðaofnæmi

1. Einstaklingur í losti þarf að komast sem allra fyrst undir læknishendur, hringja á 112 og nota EPI penna (bráðasprautu/adrenalínsprautu) ef hann er til staðar.
2. Ef starfsmaður sér að nemandi er að fá lost er hægt að draga úr eða afstýra lostinu með eftirfarandi aðgerðum:

• Leggja einstaklinginn niður og snúa höfðinu til hliðar.
• Losa um fatnað sem gæti þrengt að öndunarfærum.
• Setja hærra undir fætur.
• Koma í veg fyrir hitatap með því að breiða yfir einstaklinginn.
• Ekki gefa næringu.
• Hlúa að viðkomandi.

Sykursýki

Brugðist við blóðsykurfalli með eftirfarandi aðgerðum:

• Gefa viðkomandi strax kolvetni, t.d.:
  • Glas af mjólk og brauðsneið.
  • 2-3 sykurmola leysta upp í vatni og brauðsneið.
  • Gosdrykk/ávaxtasafa og brauðsneið.
• Ef einkenni hverfa ekki á 5-10 mínútum skal hringt á 112.
• Aldrei má yfirgefa einstakling með sykurfallseinkenni.

Flogaveiki

Mjög mikilvægt að allir starfsmenn þekki einkenni flogakasts hjá flogaveikum einstakling og fái upplýsingar um viðbrögð frá foreldrum.

• Við flog þarf að koma einstaklingnum í rólegar aðstæður þar sem hann getur jafnað sig.
• Ef floginu fylgir krampi skal fylgja viðbrögðum við krampa.

Krampi

1. Halda ró sinni.
2. Losa um föt sem gætu þrengt að öndunarvegi.
3. Reyna að fyrirbyggja meiðsl.
4. Ekki setja neitt upp í munn einstaklings með krampa.
5. Hlúa að viðkomandi og passa að hann valdi sér ekki skaða.
6. Ekki má yfirgefa einstakling sem hefur fengið krampa fyrr en hann hefur náð fullri meðvitund.
7. Hringja á 112 ef:

• Krampi stendur lengur en 5 mínútur.
• Starfsmenn vita ekki af hverju krampinn stafar.
• Annar krampi fylgir í kjölfarið.
• Einstaklingur kemst ekki til meðvitundar eftir að kippirnir hætta.
• Einstaklingur fær krampa í vatni.

Astmi

Brugðist er við astmakasti með eftirfarandi aðgerðum:

• Gefa innúðalyf.
• Róa viðkomandi og koma honum í rólegt umhverfi.
• Hlúa að viðkomandi, t.d. hjálpa honum að sitja uppi og láta hann anda að sér fersku lofti eða hvað annað sem viðkomandi finnst vera hjálp í.

Hringja skal á 112 ef einstaklingur:

• Á í verulegri andnauð.
• Er fölur og þvalur.
• Er blár í andliti og á vörum.