Íþróttir í FMOS

Síðast breytt: 16. október 2018

Í kjarna allra stúdentsbrauta FMOS eru 5 ein. í íþróttum og hreyfingu, þ.e. 5 áfangar. Skólinn leggur áherslu á heilsueflingu og fjölbreytni í hreyfingu og geta nemendur skólans valið úr mismunandi áföngum. Hér má finna stuttar lýsingar á áföngunum sem eru í boði en nánari upplýsingar um markmið og námsmat má finna í áfangalýsingum á Innu.


LÝÐH1AF01 Afreksíþróttir

Þeir nemendur sem æfa afreksíþróttir geta skráð sig í þennan áfanga. Með afreksíþróttum er átt við æfingar með meistaraflokki og/eða í keppnisflokki. Áfanginn er utan stundatöflu. Nemendur þurfa að prenta út eyðublað sem má finna í Innu og skila því til íþróttakennara undirrituðu frá þjálfaranum í upphafi annar. Nánari upplýsingar eru í áfangalýsingu á Innu.

 

LÝÐH1HG01 Hjólað gengið í skólann

Nemendur sem velja þennan áfanga nota göngur eða hjólreiðar sem hreyfingu. Áfanginn er utan stundatöflu. Til að ljúka áfanganum þarf að ganga 100 km/önn eða hjóla 300 km/önn og nota appið Endomondo til þess að mæla og sýna fram á ástundun. Nánari upplýsingar eru í áfangalýsingu á Innu.

 

LÝÐH1HR01 Hreyfing

Nemendur sem eru skráðir í þennan áfanga eru með íþróttatíma tvisvar í viku í stundatöflunni og mæta í Eldingu sem er æfingastöð í íþróttamiðstöðinni að Varmá. Skólinn hefur einnig aðgang að sölum inni í íþróttahúsinu og úti. Þessi áfangi er skylduáfangi hjá þeim nýnemum sem koma beint úr 10. bekk og æfa engar skipulagðar afreksíþróttir en er líka opinn öðrum nemendum skólans sem vilja hafa íþróttir í stundatöflunni. Nemendur hafa val um fjölbreytta hreyfingu og komið er til móts við þarfir hvers og eins. Mikilvægt er að nemendur séu klæddir til þess að stunda íþróttir, þ.e. í íþróttafötum og -skóm. Nánari upplýsingar eru í áfangalýsingu á Innu.

 

LÝÐH1ÍÚ01 Íþróttir og útivist

Nemendur sem eru skráðir í þennan áfanga nota göngur á fell og fjöll sem hreyfingu. Áfanginn er utan stundatöflu. Gengið er á 4 fell í kringum Mosfellsbæ, hópurinn fer saman á Esjuna og 5 frjálsar ferðir sem eru 5-10 km hver. Nemendur nota appið Endomondo til að mæla og sýna fram á ástundun frjálsra ferða. Nánari upplýsingar eru í áfangalýsingu á Innu.

 

LÝÐH1JÓ01 Jóga

Nemendur sem eru skráðir í þennan áfanga eru með jóga einu sinni í viku (tvöfaldur tími) í stundatöflunni. Í áfanganum læra nemendur fjölbreyttar jógastöður, öndunaræfingar og slökunartækni. Jógatímarnir eru kenndir í húsnæði FMOS. Nánari upplýsingar eru í áfangalýsingu á Innu.


LÝÐH1RÆ01 Ræktin

Nemendur sem eru skráðir í þennan áfanga eru búnir með eitt ár í íþróttum, eru með kort í líkamsræktarstöð og kjósa að æfa þar utan skólatíma. Áfanginn er utan stundatöflu. Nemendur bera sjálfir ábyrgð á að halda utan um mætingar sínar annað hvort með því að prenta út mætingablað af Innu og fá staðfestingu fyrir mætingum frá líkamsræktarstöðinni eða með því að skrá sig inn með augnskanna þar sem það á við. Mætingablöðum/útprentun úr augnskanna á að skila til íþróttakennara fyrir síðasta verkefnadag. Ekki er tekið á móti mætingablöðum þegar verkefnadögum er lokið. Nánari upplýsingar eru í áfangalýsingu á Innu.

 

Algengar spurningar

Hvað þarf ég að gera til þess að ná áfanganum LÝÐH1HR01?

  • Mæta að minnta kosti 20 sinnum yfir önnina (gefur 5 í einkunn). Leyfi og veikindi, gleymd íþróttaföt og/eða horfa á flokkast allt undir forföll. Mikilvægt er að fylgjast með mætingum á Innu.
  • Mæta í stöðupróf við upphaf og lok annar (þolpróf, kviðæfingar, armbeygjur og liðleikapróf).
  • Vera virk/ur í tímum. 

Get ég unnið upp tíma í íþróttum ef ég hef misst eitthvað úr?

  • Já, ef þú þarft að vinna upp tíma þá geturðu mætt utan skráðra tíma. Mikilvægt er að þú merkir við þig á nafnalista í afgreiðslunni. Til þess að vinna upp eina fjarvist þarftu að mæta tvisvar sinnum. 

Ég er með kort í annarri líkamsrækt. Má ég sleppa við íþróttir og æfa þar?

  • Já en þá áttu að skrá þig í LÝÐH1RÆ01. Ef þú ert í LÝÐH1HR01 þá er það ekki í boði, en það mega allir æfa eftir sínum prógrömmum hjá okkur. 

Ég er búin/n að vera með vottorð í íþróttum, get ég fengið að sleppa við íþróttir?

  • Við reynum eins og við getum að koma til móts við þarfir og getu hvers og eins þannig að allir ættu að geta fundið hreyfingu sem þeir ráða við. Vertu í sambandi við íþróttakennarann eða náms- og starfsráðgjafa skólans.

Ég er að æfa afreksíþróttir. Get ég fengið að sleppa við íþróttir?

  • Þá skráir þú þig í LÝÐH1AF01.

Ef þú ert með fleiri spurningar þá skaltu senda tölvupóst á íþróttakennarann, halla@fmos.is  


Útlit síðu:



Þetta vefsvæði byggir á Eplica