LISK1PA04 - Pappamassi

pappamassi

Einingafjöldi: 4
Þrep: 1
Nemendur vinna með endurnýtingu á pappír sem er tættur til dæmis úr eggjabökkum ofan í tunnu. Pappírinn er bleyttur og þegar hann er tilbúinn er unninn úr honum pappamassi. Í fyrri hluta áfangans koma nemendur til með að búa til fígúrur þar sem notaðir eru ýmiskonar vírar til að búa til beinagrindina. Álpappír er notaður til að móta utan um grindina og svo pappamassann sem búið er að blanda við fljótandi lím, til að fullmóta fígúruna. Að lokum er hún máluð með akríllitum og útbúin föt úr tauefnum. Í seinni hluta áfangans eru útbúnar til pappaskálar með sömu aðferð við blöndun pappamassa. Gifsskálar eru valdar til að leggja blönduna í til að móta skálina en þegar hún er þornuð er hún máluð í akríllitum og lökkuð.

Þekkingarviðmið

  • notkun hugmyndabókar og skráningu hugmynda
  • efnum og tækjum sem hann notar við vinnu sína
  • endurnýtingu á ýmsum pappír til að nota í sköpun sinni
  • ferli frá hugmynd að fullunnu verki.

Leikniviðmið

  • nota sköpunargáfu og eigið frumkvæði til hönnunar
  • nota og umgangast efni og tæki við vinnslu pappamassa
  • skrá hugmyndir og vinna skissur í hugmyndabók til að nota við gerð verkefnis
  • þjálfa hagnýt vinnubrögð sem geta nýst í starfi og tómstundum.

Hæfnisviðmið

  • þróa með sér tilfinningu fyrir formi, litum, notagildi og listrænu yfirbragði
  • geta hannað og framleitt hluti til gjafar eða sölu
  • beita gagnrýnni og skapandi hugsun og sýna áræðni og frumleika við lausnir vinnu sinnar
  • öðlast skilning á endurvinnslu og nýtingu til að búa til myndverk úr endurunni afurð.
Nánari upplýsingar á námskrá.is