Tónlistarmenning og dægurlagatextar
Einingafjöldi: 5
Þrep: 3
Forkröfur: ENSK2TM05 og ÍSLE2ED05
Í áfanganum verður fjallað um tónlistarmenningu og dægurlagatexta frá miðri 20. öld til okkar daga. Skoðaðir verða íslenskir og erlendir dægurlagatextar og þeir settir í samhengi við samfélag og menningu. Hvert er mikilvægi tónlistar í lífi einstaklinga, hópa og samfélaga og hvernig hefur það þróast í sögulegu samhengi? Fjallað verður um fjölbreyttar tegundir tónlistar og menningu í kringum ólíka tónlistarstíla. Einnig verður fjallað um merkingarsköpun í tengslum við tónlist og þátt samfélagsins í henni. Verkefnavinna í áfanganum verður fjölbreytt og verkefni unnin ýmist á ensku eða íslensku. Nemendur hlusta á fjölbreytta tónlist, greina og túlka dægurlagatexta sem hluta af merkingarmyndun tónlistar og setja þá í samhengi við samfélög og dægurmenningu.
Þekkingarviðmið
- enskum og íslenskum orðaforða í ræðu og riti sem gerir honum kleift að tileinka sér með góðu móti lesefni í áframhaldandi námi eða starfi
- helstu hugtökum tengdum tónlistarmenningu
- þekktum þemum í textagerð ásamt helstu hugtökum tengdum dægurlagatextum og greiningu þeirra
- ólíkum viðhorfum og gildum og hvernig þau móta tónlistarmenningu
- helstu tónlistarstílum, sögu þeirra og áhrifum, sem hluta af alþýðumenningu
Leikniviðmið
- að lesa sér til fræðslu og/eða ánægju texta sem gera miklar kröfur til lesandans, bæði hvað varðar orðaforða og uppbyggingu
- að greina sögulegt, félagslegt, menningarlegt eða pólitískt samhengi í texta
- að nýta fjölbreytt fræði- og menningarefni, umræður og rökræður
- að átta sig á mismunandi málsniði og stíl í töluðu og rituðu máli og undirliggjandi merkingu, viðhorfum og tilgangi þess sem talar
- verkefnavinnu sem byggir á rannsóknum og gagnrýnni hugsun
- að flytja af öryggi og sannfæringarkrafti vel upp byggða ræðu eða ítarlega kynningu á flóknu efni
- að greina dægurlagatexta og setja þá í samhengi við sögu og menningu hverju sinni
Hæfnisviðmið
- beita enskri og íslenskri tungu af lipurð og kunnáttu til þess að geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni
- skrifa skýran, vel uppbyggðan og grípandi texta og geta valið ritstíl eftir aðstæðum og viðtakendum
- beita málinu á viðeigandi og árangursríkan hátt við mismunandi aðstæður í ræðu og riti
- tjá rökstudda afstöðu við ýmsar kringumstæður, útskýra sjónarmið og taka virkan þátt í málefnalegum umræðum til að komast að vel ígrundaðri niðurstöðu
- draga saman aðalatriði, beita gagnrýninni hugsun við lestur, túlkun og úrvinnslu krefjandi texta, átta sig á samfélagslegum skírskotunum og ná duldum boðskap og hugmyndum
- flytja vel uppbyggða frásögn, kynningu eða greinagerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum
Nánari upplýsingar á námskrá.is