LEIR2MT03 - Leirmótun 2

Nemendur vinna s.s. sitt eigið gifsmót og nokkra bolla úr því. Þeir ákveða mynstur og glerunga, þ.e. liti. Samsetningar þarf að huga að í tíma, þ.e. skera í leir, gera göt og þess háttar meðan leirinn er rakur. Annað verkefni í áfanganum er hönnun á konfektmola (úr leir). Þemað er Mosfellsbær. Nemendur fara í hugmyndavinnu, leita að táknum, skissa og skrifa það sem kemur í hugann tengt Mosó. Nemendur hanna molann í leir en gifsmót er síðan gert og nokkrar afsteypur gerðar í lokin. Ef verkefnið heppnast vel er hugmyndin að ræða við Hafliða Ragnarsson konditormeistara. Það væri gaman ef Mosfellsbæjarmolinn yrði gerður í alvöru súkkulaði