umræður
Einingafjöldi: 1
Þrep: 1
Þessi áfangi byggist á umræðum, bæði formlegum og óformlegum, þar sem nemendum gefst tækifæri til að koma með hugmyndir að umræðuefni. Nemendur þjálfast í að skiptast á skoðunum og upplýsingum, skoða sjónarmið sitt og annarra. Einnig þjálfast nemendur í að hlusta á aðra, bera virðingu fyrir hugmyndum annarra og spyrja spurninga.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Þekkingarviðmið
- að öll mál hafa mismunandi sjónarhorn
- mikilvægi þess að færa rök fyrir máli sínu
- nauðsyn þess að kanna áreiðanleika upplýsinga
Leikniviðmið
- taka þátt í umræðum
- tjá skoðanir sínar
- mynda sér skoðun eftir að hafa kynnt sér mismunandi sjónarhorn
Hæfnisviðmið
- setja sig í spor annarra
- taka upplýsta ákvörðun
- rökstyðja mál sitt
Nánari upplýsingar á námskrá.is