FBRU1VI01 - Vikulok - umræður

Þessi áfangi byggist á umræðum, bæði formlegum og óformlegum, þar sem nemendum gefst tækifæri til að koma með hugmyndir að umræðuefni. Nemendur þjálfast í að skiptast á skoðunum og upplýsingum, skoða sjónarmið sitt og annarra. Einnig þjálfast nemendur í að hlusta á aðra, bera virðingu fyrir hugmyndum annarra og spyrja spurninga. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.