Sjálfsmynd, áhugasvið
Einingafjöldi: 3
Þrep: 1
Í áfanganum kynnast nemendur hver öðrum og kennurum sínum. Nemandinn er hvattur til að líta inn á við og skilgreina sig sem námsmann og einstakling í samfélaginu. Tilgangur og markmið með framhaldsskólabrú kynnti. Skoðað verður hugarfar til náms og nemendur þjálfast í vaxtarmiðuðu hugarfari. Unnið er með gildi og sjálfsmynd einstaklinga.
Unnið er með áhugasvið nemenda og lögð áhersla á styrkleika hvers og eins. Vinnan er einstaklingsmiðuð og nemendur taka þátt í því að móta eigin verkefni.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Þekkingarviðmið
- þeim kröfum sem gerðar eru í námi á framhaldskólastigi
- því hvernig hann getur orðið meðvitaður um sjálfan sig, áhugasvið sitt og styrkleika
- framtíðarmöguleikum sínum
- muninum á vaxtamiðuðu- og fastmótuðu hugarfari
Leikniviðmið
- átta sig á eigin styrkleikum og bera virðingu fyrir sjálfum sér
- tileinka sér vaxtamiðað hugarfar
- leita sér upplýsinga tengdu áhugasviði sínu
Hæfnisviðmið
- stuðla að jákvæðri sjálfsmynd
- taka ábyrgð á eigin námi og lífi
- vera meðvitaðri um að daglegar ákvarðanir og breytni hafa áhrif til framtíðar
- stunda árangursríkt nám á framhaldsskólastigi
- vinna með upplýsingar tengdar áhugasviði sínu
Nánari upplýsingar á námskrá.is