FBRU1SS04 - Sköpun og siðferði

Í áfanganum er lögð áhersla á sköpun, samræður, siðfræði og rökhugsun þar sem til umfjöllunar eru samfélagsleg málefni. Lögð er áhersla á sjálfstæða hugsun og eru nemendur hvattir til að horfa með gagnrýnum augum á námsefnið jafnt sem eigin skoðanir og viðhorf. Mikil áhersla verður lögð á umræður í tímum. Nemendum sýnt hvernig hægt er að nálgast ólík viðfangsefni á skapandi hátt. Í þessum áfanga reynir á sköpun þar sem nemendur fá að móta viðfangsefnin, miðla þeim, búa til eitthvað nýtt og fara út fyrir þægindarammann. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.