MAME2MM05 - Matur og menning

Í áfanganum verður fengist við matargerð með áherslu á hefðir í matarmenningu nokkurra ensku-, spænsku- og dönskumælandi landsvæða. Efnið tekur mið af hefðum í matargerð og hvers vegna ákveðnir réttir eru meira ríkjandi en aðrir. Önninni er skipt upp í mismunandi menningarsvæði og matargerð tengd þeim sem kennarar skipta með sér. Nemendur vinna menningartengd verkefni og mæta einu sinni í viku í verklegan tíma þar sem eldaður verður matur frá viðkomandi svæði. Nemendur safna að sér gögnum yfir önnina og skila inn ferilmöppu í lokin. Verkefni í ferilmöppu þurfa að vera samþykkt af kennurum til þess að vera gild til lokamats. Ætlast er til að nemendur hafi lokið grunnáföngum í tungumálunum ensku, spænsku og dönsku þar sem ríkar kröfur eru gerðar um sjálfstæði í upplýsingaöflun á þessum tungumálum sem og vinnubrögðum almennt.