stærðfræði, umhverfisfræði
Einingafjöldi: 5
Þrep: 3
Forkröfur: UMHV2UN05, NÁTT2GR05, og STÆR3TF05 (eða samhliða)
Í þessum framhaldsáfanga er áhersla lögð á að skoða umhverfismál með augum raunvísindamanna. Teknar verða fyrir rannsóknir á stofnstærðum, mengunarmælingar í sambandi við lýðheilsu, orkumál með sérstaka áherslu á sjálfbæra nýtingu og loftslagsbreytingar. Í öllum atriðum verður lögð áhersla á uppruna upplýsinga og að greina óvissuþætti. Til að dýpka tilfinningu fyrir efni áfangans smíða nemendur tölvulíkön til að meta sértækar aðstæður með marktækum hætti, til að líkja eftir ferlum í náttúrunni og til að spá fyrir framtíðinni.
Þekkingarviðmið
- Hugtökum sem tengjast stofnstærð og stofnstærðamælingum
- Mismunandi dreifingum sem notaðar eru til að lýsa ferlum og aðstæðum í náttúruvísindum
- Orkuhugtakinu og tengslum þess við umhverfismál
- Tengslum umhverfisþátta við heilsu og lífsgæði
Leikniviðmið
- Skoða samspil mismunandi þrepa í fæðukeðjum
- Skoða og greina gagnagrunna tengda umhverfismálum
- Meta orsök og afleiðingu í málum þar sem mögulega eru mengunafrávik (e. „case studies“)
- Meta afleiðingar loftslagsbreytinga í jarðsögulegu samhengi
- Smíða og meta líkön tengd umhverfismálum
- Skrifa skýrslur um tilraunir sem tengjast umhverfismálum
Hæfnisviðmið
- Meta hvort niðurstöður útreikninga og mælinga séu raunhæfar
- Túlka niðurstöður mælinga
- Meta áreiðanleika gagna
- Nýta hópavinnu til að leysa flóknari viðfangsefni
- Sýna sjálfstæði í vinnubrögðum
- Setja niðurstöður úr verklegum æfingum fram á skýran hátt
Nánari upplýsingar á námskrá.is