stuttmyndagerð
Einingafjöldi: 5
Þrep: 1
Í áfanganum fá nemendur innsýn í heim stuttmynda. Nemendur eru kynntir fyrir þeim möguleikum sem stuttmyndagerðin hefur upp á að bjóða og þeir þjálfaðir í að nýta þá möguleika við úrvinnslu hugmynda sinna. Áhersla er lögð á þjálfun í að nýta sköpunaraðferðir, innrömmun hugmynda og hæfni til að útfæra þær á listrænan hátt með skýrri heildarmynd. Nemendur kynnast hefðbundnu vinnuferli stuttmynda, þ.e. handritsgerð, myndhandriti, myndatöku, klippingu og hljóðsetningu. Að auki fara nemendur í heimsóknir og horfa á kvikmyndir.
Þekkingarviðmið
- Helstu hugtökum sem tengjast stuttmyndagerð
- Mismunandi gerðum stuttmynda
- Ólíkum söguaðferðum
- Undirstöðuatriðum kvikmyndagerðar með megináherslur á stuttmyndir, auglýsingar og tónlistarmyndbönd
- Mikilvægi gangrýninnar hugsunar.
Leikniviðmið
- Segja sögu með því að skrifa handrit
- Gera myndhandrit (storyboard) eftir söguhandriti
- Klippa myndefni
- Setja hljóð og tónlist inn á myndefni
- Hlaða stuttmynd inn á Netið eða á DVD – geisladisk
- Nota mismunandi sjónarhorn í myndatöku
- Búa til kynningarplakat fyrir stuttmynd
- Vinna jafnt sjálfstætt og með öðrum í verkefnum
- Leikstýra eigin stuttmynd
- Leika
- Beita gagnrýninni hugsun.
Hæfnisviðmið
- Koma myndefni frá sér á áhugaverðan og fjölbreyttan hátt
- Vinna með öðrum að sameiginlegu markmiði
- Stýra hópi samnemenda
- Geta beitt gagnrýninni hugsun á markvissan hátt.
Nánari upplýsingar á námskrá.is