Fréttir
Frábær mæting á kynningar-æfingu fyrir knattspyrnuakademíu FMOS
Um fjörtíu unglingar mættu galvaskir á opna kynningaræfingu á knattspyrnuakademíu í FMOS sem haldin var í gær, miðvikudaginn 5. maí. Þeir Gunnar Borgþórsson og Freyr Alexandersson stjórnuðu æfingunni og gáfu þátttakendum forsmekk að því hvernig æfingar eru uppbyggðar í akademíunni.
Að æfingu lokinni safnaðist hópurinn saman í Brúarlandi, þáði léttar veitingar og hlustaði á stutta kynningu á hvað felst í að taka þátt í akademíunni. Metnaður, ástundun og árangur er rauði þráðurinn í þessu námi auk þess sem forvarnir og að það vera fyrirmyndir er einnig mikilvægur þáttur. Á myndinni eru þátttakendur á æfingunni ásamt Gunnari Borgþórssyni en hann er þeim flestum vel kunnugur sem fyrrverandi þjálfari og leikmaður með Aftureldingu.