Fréttir

FMOS auglýsir eftir matreiðslumanni

20.3.2019 Fréttir

Við leitum að faglærðum matreiðslumanni til að stýra mötuneyti Framhaldsskólans í Mosfellsbæ. Mötuneytið er rekið í anda heilsueflandi framhaldsskóla og áhersla lögð á hollan og næringarríkan mat.

Viðkomandi þarf að vera hugmyndaríkur og sjálfstæður í vinnubrögðum, hafa farsæla reynslu af svipuðum rekstri, góða færni í mannlegum samskiptum og áhuga á að umgangast ungt fólk.

Ráðið verður í stöðuna frá 1. ágúst 2019.

Laun greiðast samkvæmt kjarasamningi fjármálaráðherra og viðkomandi stéttarfélags og skv. nánari útfærslu í stofnanasamningi skólans.

Umsóknir með ítarlegum upplýsingum um menntun og fyrri störf skulu berast Guðbjörgu Aðalbergsdóttur skólameistara í netfangið gudbjorg@fmos.is eða Guðrúnu Guðjónsdóttur aðstoðarskólameistara í netfangið gudrun@fmos.is. Einnig er hægt að senda umsóknir í pósti: Framhaldsskólinn í Mosfellsbæ, Háholti 35, 270 Mosfellsbær.

Vakin er athygli umsækjenda á að samkvæmt lögum um framhaldsskóla nr. 92/2008 er ekki heimilt að ráða einstakling til starfa sem hlotið hefur dóm fyrir brot á XXII. kafla almennra hegningarlaga og því er beðið um sakavottorð áður en af ráðningu getur orðið.

Umsóknir þurfa að berast í síðasta lagi 8. apríl 2019. Umsóknir þurfa ekki að vera á sérstökum eyðublöðum. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir skólameistari í netfangi gudbjorg@fmos.is eða í síma 864-9729 og aðstoðarskólameistari í netfangi gudrun@fmos.is eða í síma 845-8829. Á vef skólans www.fmos.is má einnig finna ýmsar upplýsingar um skólann.

Skólameistari

Til baka Senda grein






Útlit síðu:



Þetta vefsvæði byggir á Eplica