Fréttir

Aðstoð í mötuneyti

15.7.2019 Fréttir

Framhaldsskólinn í Mosfellsbæ óskar að ráða starfsmann til aðstoðar í mötuneyti skólans.

Leitað er að starfsmanni sem hefur góða samskiptahæfileika og áhuga á að vinna með ungu fólki. Mötuneytið er rekið í anda heilsueflandi framhaldsskóla og áhersla lögð á hollan, góðan og næringarríkan mat sem höfðar til ungs fólks.
Stöðuhlutfall er 50-60% og laun greiðast samkvæmt kjarasamningi ríkisins og viðkomandi stéttarfélags.

Ráðið verður í stöðuna frá 15. ágúst 2019 eða eftir samkomulagi.
Framhaldsskólinn í Mosfellsbæ kennir sig við auðlindir og umhverfi í víðum skilningi og leggur áherslu á að vera í góðum tengslum við umhverfi sitt, bæði hvað varðar listir og menningu, íþróttir og lýðheilsu og annað það sem einkennir mannlíf í Mosfellsbæ. Skólinn er framhaldsskóli með áfangasniði þar sem í boði eru stúdentsbrautir, framhaldsskólabrautir og sérnámsbraut. Helstu áherslupunktar í kennsluháttum skólans eru fjölbreyttar verkefnamiðaðar kennsluaðferðir og leiðsagnarnám.

Umsóknir með ítarlegum upplýsingum um menntun og fyrri störf skulu berast Guðbjörgu Aðalbergsdóttur skólameistara í netfangið gudbjorg@fmos.is. Einnig er hægt að senda umsóknir í pósti: Framhaldsskólinn í Mosfellsbæ, Háholti 35, 270 Mosfellsbær.

Vakin er athygli umsækjenda á að samkvæmt lögum um framhaldsskóla nr. 92/2008 er ekki heimilt að ráða einstakling til starfa sem hlotið hefur dóm fyrir brot á XXII. kafla almennra hegningarlaga og því er beðið um sakavottorð áður en af ráðningu getur orðið.
Umsóknir þurfa að berast í síðasta lagi 6. ágúst 2019. Umsóknir þurfa ekki að vera á sérstökum eyðublöðum. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir skólameistari í netfangi gudbjorg@fmos.is eða í síma 864-9729. Á vef skólans www.fmos.is má einnig finna ýmsar upplýsingar um skólann.

Skólameistari

Til baka Senda grein






Útlit síðu:



Þetta vefsvæði byggir á Eplica