Stofnfundur Foreldraráðs FMOS verður haldinn í Framhaldsskólanum í Mosfellsbæ miðvikudaginn 8. des 2010 kl: 17:30

Dagskrá:

a. Kosning fundarstjóra og fundarritara

b. Kynning á því sem foreldraráð hefur gert

c. Stofnun félagsins Foreldraráð FMOS

d. Lög félagsins lögð fram til samþykktar

e. Önnur mál

f. Fundi slitið.

Drög að lögum ráðsins hafa verið send foreldrum/forráðamönnum í tölvupósti en einnig er hægt að óska eftir eintaki með því að senda tölvupóst á fmos@fmos.is

Á morgun, fimmtudaginn 4. nóvember, verður haldið skemmtikvöld eða svokallað Filipusarnæt á vegum Nemendafélags FMOS.  Í boði verða bíómynd, spil og huggulegheit.  Pizza og gos verður til sölu á kr. 1200 fyrir þá sem það vilja.

Skemmtinefnd NFFMOS

Nemendum ber að sækja allar kennslustundir samkvæmt stundaskrá.  Geti nemandi ekki sótt skóla vegna veikinda eða af öðrum ástæðum skal hann tilkynna forföllin daglega á skrifstofu skólans.  Læknisvottorði skal skila inn ef veikindi vara 3 daga eða lengur.

Íþróttaakademía, upplýsingar

 Framhaldsskólinn í Mosfellsbæ auglýsir eftir kennara í 50% stöðu í dönsku fyrir haustönn 2010.

Laun greiðast samkvæmt stofnanasamningi skólans.  Umsækjendur þurfa að hafa háskólamenntun í dönsku og kennsluréttindi á framhaldsskólastigi. Leitað er að kennurum sem hafa frumkvæði, eru sjálfstæðir í vinnubrögðum og hafa áhuga á að taka þátt í þróunarstarfi í kennsluháttum og uppbyggingu náms í samræmi við ný lög um framhaldsskóla (nr. 92/2008).

Mikið húllumhæ og fjör var í morgun á síðasta skóladeginum á vorönninni.  Fyrst hittumst allir á sal en héldu síðan út í góða veðrið þar sem bæði starfsfólk og nemendur kepptu í brennó.  Því næst upphófst mikið vatsstríð þar sem fáir sluppu við að fá amk dropa á sig.  Aðrir blotnuðu meira eins og sjá má á meðfylgjandi mynd. 

Upplýsingar um inntökuskilyrði í FMOS má nálgast hér.

Nemendur sem ljúka námi í 10. bekk grunnskóla sækja um skólavist í framhaldsskólum með rafrænum hætti á vefslóðinni www.menntagatt.is/innritun.

Innritunin er í tvennu lagi:

• Nemendur sækja um framhaldsskóla dagana 12.-16. apríl. Þeir velja námsbraut og tvo skóla, aðal- og varaskóla.
• Dagana 7.-11. júní geta nemendur endurskoðað umsóknina og breytt henni ef þurfa þykir.

Dagana 4. og 5. mars verða þemadagar í FMOS.  Þá verður hefðbundin kennsla felld niður og nemendur taka þátt í allskyns uppákomum s.s. jóga, sundi, lazertag, bridge og ýmsu fleiru skemmtilegu. 

Fimmtudaginn 11. febrúar kl. 18 verður haldinn foreldrafundur fyrir foreldra allra nemenda í FMOS. Gestafyrirlesari á fundinum er Álfgeir Logi Kristjánsson, lektor við Kennslufræði- og lýðheilsudeild Háskólans í Reykjavík og mun hann ræða um forvarnir.  Álfgeir er mjög fær fyrirlesari og verður án efa mjög áhugavert að heyra hvað hann hefur að segja um þetta mikilvæga málefni sem forvarnir eru. Annað aðalefni fundarins er stofnun foreldraráðs FMOS. Við hvetjum alla foreldra til að mæta og taka þátt í uppbyggingu skólans.

Skólahald vorannar hefst á skólasetningu á sal skólans miðvikudaginn 6. janúar kl. 8.30.  Kennsla hefst samkvæmt stundatöflu að henni lokinni.   Nýnemar eru svo boðaðir á kynningarfund í salnum kl. 9.40 sama dag.

Skrifstofa skólans verður lokuð 22.-24. desember.  Hún verður opnuð aftur 28. desember og verður opin milli jóla á nýjárs.

Framhaldsskólinn í Mosfellsbæ auglýsir eftir enskukennara í 75-100% stöðu í afleysingu í eina önn.

Viðbragðsáætlun skólans vegna heimsfaraldurs inflúensu (H1N1) er að finna hér.

Boðað er til fundar í Framhaldsskólanum í Mosfellsbæ með foreldrum/forráðamönnum nemenda skólans fimmtudaginn 17. september 2009 kl. 17:30.

Heimsfaraldur inflúensu A (H1N1) sem ríður yfir um þessar mundir er tiltölulega vægur og mun ekki hafa áhrif á skólahald.

Á haustönn 2009 verður boðið upp á dreifnám í Framhaldsskólanum í Mosfellsbæ. Dreifnámið verður með nýstárlegu sniði þar sem nemendur stunda námið í gegnum kennslukerfi skólans og býðst einnig að koma í skólann í kennslustundir eða verkefnatíma. Dreifnámið er því í raun blanda af fjarnámi og dagskólanámi þar sem hver nemandi skipuleggur nám sitt í samráði við kennara.

Búið er að senda öllum umsækjendum bréf sem ætti að berast þeim á næstu dögum.   Mikilvægt er að þeir sem hafa fengið skólavist, standi skil á greiðslu skólagjalda með því að greiða greiðsluseðilinn sem fylgdi bréfinu eigi síðar en á eindaga, 27. júlí.

Nemendur mæta miðvikudaginn 19. ágúst kl. 9.00 á sérstakan kynningardag þar sem þeir hitta stjórnendur og kennara skólans, fá afhentar stundatöflur og upplýsingar um helstu þætti skólastarfsins.  Formleg skólasetning verður fimmtudaginn 20. ágúst með þátttöku nemenda, starfsmanna og boðsgesta.  Föstudaginn 21. ágúst er fyrsti kennsludagurinn og mæta þá nemendur samkvæmt stundatöflu.

Framhaldsskólinn í Mosfellsbæ auglýsir eftir húsverði/umsjónarmanni fasteignar.

Opinn kynningarfundur verður haldinn þriðjudaginn 5. maí kl. 20 í Listasal Mosfellsbæjar.

Sjá nánar á meðfylgjandi auglýsingu. Smellið á hana til að stækka.

Framhaldsskólinn í Mosfellsbæ er nýr framhaldsskóli sem hefur starfsemi haustið 2009. Skólinn verður starfræktur í Brúarlandi í Mosfellsbæ fyrstu tvö árin.

Framhaldsskólinn í Mosfellsbæ hefur verið valinn af menntamálaráðuneytinu til þess að vera einn af fyrstu framhaldsskólum landsins til þess að starfa eftir nýjum lögum um framhaldsskóla. Í lögunum er töluvert frelsi bæði fyrir skóla og nemendur til þess að setja saman nám, hvort sem það er til stúdentsprófs eða annarra lokaprófa. 

Skólinn leggur áherslu  á að bjóða nemendum metnaðarfullt nám við hæfi hvers og eins, á stúdentsbrautum, stuttum starfsnámsbrautum og almennum brautum.

Síðasta miðvikudag, 18. mars, fór bæjarstjórn Mosfellsbæjar, ásamt fleiri starfsmönnum bæjarins í skoðunarferð í Brúarland til að skoða væntanlega aðstöðu framhaldsskólans. Sjá myndir úr heimsókninni hér. 

Í skólanum verða fimm námsbrautir í boði.

Undirbúningi fyrir Framhaldsskólann í Mosfellsbæ miðar vel. Skólameistari hefur heimsótt nemendur í 10. bekk bæði í Lágafellsskóla, Varmárskóla og Klébergsskóla og upplýst þá um væntanlegan skóla. Nemendur voru mjög áhugasamir og forvitnir um skólann og spurðu margra góðra spurninga.